سوء ظن // الكاتب✍أ.عبدالحميدوهبة
( سوء ظن )
إزاي بتقولّي خلاص إبعد
وبوضعي الحالي عايزني أقبل
وماليش الحق بإني أرفض
أو أمانع ليه في اللي بيحصل
ده أنا ليا الحق إنّي أمانع
وأقاتل عن حبي وأدافع
وأخلّيك لازم تتخلّى
عن عِندك يعني وتتراجع
ده أنا بَملُك فيك أكتر منك
ولا يُمكن يوم هأبعد عنك
ماتبعشي الحب بسوء ظنك
وتهد الأيام الأجمل
إزاي بتقولّي خلاص إبعد
وبوضعي الحالي عايزني أقبل
إزاي من نفسك بتكرر
وتحط لقصتنا نهاية
بقى جالك قلب إزاي تقدر
إن إنت ماتبقاش ويايا
بقى بالنسبالك مش فارقة
أبعد عن قلبك أو أبقى
لو بتزعلني عشان أبعد
ف بقولك مية مليون لأه
ده أنا بَملُك فيك أكتر منك
ولا يُمكن يوم أبعد عنك
ماتبعشي الحب بسوء ظنك
وتهدف الأيام الأجمل
إزاي بتقولّي خلاص إبعد
وبوضعي الحالي عايزني أقبل
الكاتب✍
أ. عبدالحميد وهبه
28/10/2023
تعليقات
إرسال تعليق