مش مرتاحين // الكاتب✍أ.سامي محفوظ حنا
مش مرتاحين
لا في البعد ولا القرب
مرتاحين
هما مين كانوا قبلنا
في الحب زينا
مرتاحين
نشتاق نحب ولما نحب
نقول يا ريت القلب
ما حب
كنا من غير الحب
مرتاحين
على بر مش راسيين
نعيش من غير حب
مش قادرين
ولو حبينا نعيش
متعذبين
والعمر يضيع لما تجري
بينا السنين
والقلب يدوب من الشوق
والحنين
لحبايب في القلب وعيوني
منهم محرومين
هو ده نصيبنا غير كل
العاشقين
حبينا ناس قلوبهم
قاسيين
إحنا معاهم
مش فارقين
نبعد عنهم يبعتوا يقولوا
مشتاقين
نقرب منهم يبقوا معانا
وعننا متغربين
نعاتبهم يعاتبونا
على حبنا يلومونا
ونطلع إحنا الغلطانين
يرضى مين
لا في البعد ولا القرب
مرتاحين
الكاتب✍
أ. سامي محفوظ حنا
31/10/2023
تعليقات
إرسال تعليق