معلش وبهمش. بقلم الشاعرة. د. ميسر شقير
معلش وبهمش....
بهمش ومعلش احنا قدها.....لو زلزلوا الأرض تحت اقدامنا معلش....لو صارت الأرض الخضرا من دمنا حمرا معلش....لو قتلوا أولادنا ونسوانا وما خلي النا حدا معلش.....لو حبسوا طيورنا ونهبوا دورنا وطفوا كل سراجاتنا معلش......لو ذابت كل شموعنا....وهجرت العصافير عشاشنا معلش.....لو جففوا ينابيعنا.....وقطعوا زيتونا.....وماتت اشجارنا معلش......رح ينبت تحت حجارنا ثوارنا.....وتشتعل تحت أقدامهم نارنا....رح نقلب عليهم ديارنا وقولوا ما قال ختيارنا....رح نزرع بكل طريق ازهارنا.....ونعمر بساتينا وبياراتنا.....ونطرد هالمغتصب من بلادنا .....معلش وبتهون غصب عن كل اللي خذلونا.....تركونا للذئاب تنهش فينا.........لا صوت ينصفنا ولا شجاعة تحمينا ..معلش رح ننتصر ورح ترجعوا تترجونا.....نرجع أصدقاء لكن كلمات الندم التغت من قانونا ......رح ترجع ارضنا خضرا ونزرع مروجنا.....وتنبت ازهارنا وورودنا.....رح تغرد عصافيرنا.....وتزهر ليمونتنا وبرتقالنا......معلش يا وطنا .....كفكف دمعك على ابنائنا.....راحوا للسما شهدا فدا ترابنا......معلش يا أمي لا تبكي علينا.....دمنا الغالي مش خسارة بوطنا.....وانت يا بوي سندياتنا ....منك يا غالي استمدينا قوتنا....اياك تحزن اولادك أبطال ما في منا .....وتحرير الوطن بدو دمنا.
ميسر شقير
فلسطين
تعليقات
إرسال تعليق