إتفاق موثق // الكاتب✍أ.عبد الحميد وهبة
(إتفاق موَثّق)
ماتيجي نتّفق
ونوثّق الإتفاق
أنا وأنت نِفتِرق
ونبطّل إشتياق
ونحاول إنّنا
نكمّل عمرنا
من غير ما حتي نسأل
ونكلّم بعضنا
مهما أخدنا الحنين
لكلام العاشقين
نرفض وبلاش نِلين
ونقبل بالفراق
ما تيجي نتّفق
ونوثّق الإتفاق
صدّقني للأسف
غِلطنا من البداية
مش شرط نِختِلف
علشان ننهي الحكاية
هنحاول مش هنخسر
على قد ما يعني نقدر
مش نجرح بعض أبداً
ولا يوم لقلوبنا نكسر
ماتيجي نتفق
ونفارق بالتراضي
نتقابل في الطُرق
ونكمّل بردوا عادي
ولا يعني في يوم نخاف
أبداً م الإختلاف
قالوا إسأل مجرّب
ولا تسأل حد شاف
مهما أخدنا الحنين
لكلام العاشقين
نرفض وبلاش نِلين
ونقبل بالفراق
ما تيجي نِتّفِق
ونوثّق الإتفاق
الكاتب✍
أ. عبدالحميد وهبه
29/10/2023
تعليقات
إرسال تعليق