هشك بشك بقلم الشاعر /د. السيد حسن
هِشك بِشك. (العامية المصرية )*
********
هشك بشك هشك بشك
أنا لا يمكن أبداً اغشك
هشك....بشك
هشك بشك يالعصفور
قولي إزاي عايش مسرور
وانت وسط نسور وصقور
نتفوا ريشك وهدوا عشك
هشك بشك هشك بشك
عاوز توصل يا سي مختار
من غير ما تتعب ولا تحتار
شوف طبال وفيفي ومزمار
وأنت تبقى من الأخيار
تتفتحلك الأسوار
ومغارة على بابا المغوار
تبقى الباشا تاكل بوغاشا
والفسفور ينطق من وِشك
هشك بشك هشك بشك
لا تقول مبادئ ولا شهادات
ابوك السقا طق ومات
هِز الوسط مع الصاجات
والعب على كل الجهات
دوس ما يهمكش الكرامات
طول ما سيدك الدولارات
اشارتك خضرا ودع وَشك
هشك بشك هشك بشك
آه يا زمن يابو الف وش
زي الهوا صار فيك الغش
والأمين مكانه فين
جنب الحيط قاعد بينش
ينش ذُبابك من على وِشك
هشك بشك هشك بشك
الشاعر السيد حسن...
تعليقات
إرسال تعليق