موقف صعب بقلم الشاعر. د. عبد الحميد وهبه

(موقف صعب )

لمّا تحس بشئ فى القلب 

لمّا مشاعرك يوم تتحرك 

ولاّ تحس إنّك بتحب  

واحد مش من حقك حتى تبص عليه 

وتلاقي نفسك ليل ونهار بتفكّر فيه 

صورته فى كل مكان  قدامك 

وإن غمضّت عيونك لحظة بتحلم بيه 

لمّا تملّى عن أحوالُه عايز تطمن

لمّا تحس بإن هواه م القلب إتمكّن 

تبقى عايزه جوه القلب وفي العين يسكن

يبقى اللوم وقتها على مين 

ع القلب اللى ما صدّق حبُه 

ولاّ اللوم وقتها ع العين 

ولا يجوز هما الأتنين

 مالهم ذنب 

موقف صعب 

بقلمي عبدالحميد وهبه