لساك يا جرح..الكاتب✍ احمد جابر سويلم
-- لساك ياجرح --
شايل هموم الزمن
جوا فى احضانى مطويه
عديت بحور الامل
والضحكة طالعة مطفيه
توبى الجديد انقطع
والعين دمعتها مكويه
مرت سنين الزمن
حتما بجراحها مؤزيه
والشيلة شيلة الم
جواى صرختها مدويه
رميت بذرور المحبه
ومشيت انا فى سكتها
توهنى فيها الزمن
ماسمعت غير صرختها
سالت مره القدر ياقدر
توهت ليه ضحكتها
جانى رسايله القلب
منها انصدم ماعرفت طلتها
مشيت وانا حيرا اسئل
طريقها منين وفين سكتها
عاهدت نفسى افوت احزانى
ومشيت طريقى وحدانى
رميت همومى ورا ظهرى
ومشيت ادور على مهلى
سمعت صوت بينادى
بعيد تعالى قرب ماتخافشى
سوق الهموم وارمى
حمولك خلى حمولك على ربى
الفجر جاني وصليته
بقلب صافي ودعيته
سمعت هاتف بينادى
ربك كريم وانت ناديته
السعد هل لباب بيتى
والضحكة رجعت بزياده
الحزن شافنى فات
يجرى وبفرح قلبى عديته
قلت يا دنيا خلاص توبه
ارجع فى حضنك لو نوبه
الكاتب✍
احمد جابر سويلم
23/8/2022
تعليقات
إرسال تعليق