ايام زمان. بقلم الشاعرة. د. زكيه فيصل
ايام زمان
ساعات ياخدني الحنين
لاجمل ايام حياتي
مهما تمر السنين
منساش اجمل اوقاتي
ايام راحه البال
والناس الطيبين
ايام ماكنا عيال
والهم مش حاملين
ولمة عيله وضحكه طالعه من القلب
ولا كان واتس ولا فيس بوك
والقاعده لذيذه وكلها حب
والحقد والغل معمول لهم بلوك
والكل حاضر و مفيش فينا غايب
وحشونا كتير اللي فارقونا ووحشتنا ايامهم
ربنا يرحمهم كل واحد اثره الطيب فينا سايب
ميتنسوش مشيوا صحيح لكن في القلب مكانهم
ايام زمان ايام البركه والحب الصافي
والجار للجار وجبر الخواطر
الكبير كان للصغير حضنه الدافي
والصغير يسمع كلامه ويقوله حاضر
اجمل ايام عمرنا ايام متتعوضش
وذكريات جميله في القلب محفورة
دايما يحن القلب ويشتاق
لايام كنت فيها بغرد وبطير زي العصفورة
زكيه فيصل
تعليقات
إرسال تعليق