حاسب على قلبك. بقلم الشاعر. يحيى العبادى
..حاسب علي قلبك..
كلمات يحيى العبادي
=============
حروف الحب بكتبها
وقلبي ليه ما حس بها
وعارف ايه سكن حلمي
ونفسي يانفسي عذبها
انا كاتب ومش كاتب
انا جوايه صبح شايب
وقلبي الي كان مجنون
بقي علي الحب يعاتب
ولون الحلم ....اتغير
ما هوش هوه وانا صغير
وعقل الحب أصله كبير
يكبر فوق ما. تتصور
تمر سنين تشوف الناس
وترسم خط يكون حساس
وتمشي خطوتك عادي
ومش كل البشر تتباس
انا عارف في وقت وراح
انا فاهم ومش مرتاح
ومهما اكتب حروف الحب
واقول عطره جميل فواح
ها اقول حاسب علي قلبك
ها تفتح بابه يلعب بك
وترجع تبكي علي الي راح
وتندم تاني علي حبك
عشان الحب شكله جميل
عشان وصف القمر والليل
بقول حاسب علي مهلك
واعشق الي طبعه اصيل
ليه تحسب حساب بيموت
مابين كدب كتير وضغوط
وترجع تاني تقول ياريت
وجع جرحي يعدي يفوت
تعليقات
إرسال تعليق