إرجع يا طيري // الكاتبة ✍ ماجدة البهيدي
ارجع يا طيري ============ ان غبت يوم ولا سنة هفضل انا زي مانا ولا اي شيء يبعدني عنك لسه في حبك اموت انا وحياة عينيك وحبي ليك ما ليك في قلبى ولا يوم شريك لجل اللي بنا يا حب عمري باقية عليك انا و أشتريك انا ايه فاضلي بعدك يا خلي يا نبض قلبي وكل كلي انا حتة منك وجوه قلبك يا ضي عيني وشمسي وضلي فردت رمشي لجل انت تمشي حتى لو ع الشوك انا امشي قرب عليا و خليك شوية حوط عليا وما تهد عشي يا طيري عود لي خليك فحضني من تاني رفرف وتعال خدني انا وحدي فاهمة لغتك انا ولا بعدي تلاقى انا زي حبي ارجع يا طيري لا تروح لغيري وإياك في يوم ما تنسى خيري كان بينا حب وحنان زمان إياك تكون ناسي اللي كان دايما بسمحك وبنسى جرحك مشكلتي قلبي على طول يسمحك طب هعمل ايه مهو، غصب عني بأرجع واحن علشان بحبك الكاتبة✍ ماجدة البهيدي 20/5/2022
