أمسكت قلمي. بقلم الشاعر. د. الرفاعي الحداد

أمسكت قلمي

.

.

أمسكت قلمي و قلت اكتب

لقيت الحروف   تاهت مني

ومفيش كلام ييجي  مترتب

معرفشي ليه؟! ودا جنني !

......

رغم  ان   جوايا     الأحزان

في القلب نار  ثورة وبركان

على حالنا في جميع الأوطان

كل  الجمل   غابت    عني !  

.....

مش عارف ابدأ بس منين ؟!

و أرض غ زة  جراح  وأنين ! 

رغم الدمار والموت صامدين

و لو هقول مين يسمعني ؟!

.....

أبطال و عاشوا حروب لسنين

و عذاب  و تشريد    الملايين 

و ثبات   علي   المبدأ  باقيين

و حيائي    منهم    يمنعني !

.....

اطفال في  كل مكان بتموت

حصار لا دوا ولا حتى القوت

للمسلمين  مش سامع صوت

مش    لاقي   حد    يفهمني 

.....

الحرب واضحه علي المكشوف

ومدد   لجيش    العدو  بألوف

يارب    تملا   قلوبهم    خوف 

و من   الشهادة    ما تحرمني

.....

سامحوني  صعب ألاقي كلام

يوصف   بقلبي  جراح  و آلام 

كان نفسي  تحيا  الدنيا سلام

و أحزاني  دي    تبعد   عني 

......

بقلم / الرفاعي الحداد