أه وألف آه. بقلم الشاعرة. د. زينب الرفاعي
أه وألف آه
على قلوب بقت زي الحجر
الحق فيها تاه
والضمير مات و انحضر
أه على صوت الوجع
بيخرج وفي كل أه
كل شيء جميل معاه راح ما رجع
أه على الغلبان اللي بيتهان
على لقمة عيش بيجبها
وراضي بالوجع
أه على جبل هموم
وحياة فيها الفرح مابيدوم
على مين هرمي اللوم
على الدنيا ولا على
قلوب ما رحمت بشر
إصرخ يا مظلوم
خلي صوتك يسمعة
رب العالمين هو أرحم من كل البشر
كل حلم جوانا تاه
كنا نفسنا نحقق اللي بنتمناه
وتخدنا الحياة في إتجاه
نغيرها بالحب
لكن ده نصيبنا و حكم القدر
يا أرض إتحركي وقولي إكلمي
راضية بحياتنا
إللي بقت زي الكفن
بندفن فيه أحلامنا
رغم جوانا صرخة أمل
وإزاي نغير طبع البشر
بنستنى الحلم ما رجع
بنستنى الحب ما طرح
بنستنى النور ما طلع
والحياة بقت مدرسة
إتعلمنا ومفهمنا
ولا سابت فينا أثر
وأه وألف آه
عليك يا جدع
بقلمي زينب الرفاعي
تعليقات
إرسال تعليق